名古屋高山白川鄉櫻花飄雪自由行第3天: 高山朝巿, 高山城下町, 江戶前松喜壽司
2021-05-03
今朝去高山朝市同高山城下町, 中午就去白川鄉, 尋日已經係巴士站用昇龍道高速巴士車票訂好來回車票。
紫格: 酒店, 橙格: 高山宮川朝市黃格: 高山城下町 (上三之町), 綠格: 高山陣屋
由酒店行去高山朝市約十分鐘
我地一路行一路食, 食到好飽。飛彈牛餅, 即叫即整, 熱辣辣, 好好味。
飛彈牛餅
行完高山朝市再行前少少就到高山城下町, 上三之町。高山又叫小京都, 就係因為呢d古老建築。
保存咗古老嘅日式建築。好完整, 街就唔係好長。巿內其他地方都有類似建築, 呢條街就集中d。
有條水道係門前流過好特別
而家主要做旅遊, 有手信店, 食店等。
有飛彈牛壽司賣, 分唔同級數, 有塊蝦餅係底, 都幾好味。雖然都係丸明好味d。
呢間茶乃芽cafe賣綠茶雪糕,咖啡等, 都好味。
行到街尾轉左入下條街有間食飛彈牛朴葉味噌燒, 壽樂久飛彈牛朴葉味噌燒, 係上二之町。雖然已經係街邊食到好飽, 但都覺得d牛好好味。味噌濃郁, 香口, 牛好好味。吉列牛都好味, 我就鍾意味噌燒多d。個炭爐都好得意。
食完就行過條橋去高山陣屋, 沿路見到遊客坐人力車。
陣屋即係古時嘅衙門, 我地係門囗影咗相就行去巴士站。
行去巴士站途中咁啱經過郵站, 我地就買咗係岐阜先買嘅合掌屋明信片!
巴士站附近有好多手信舖, 我地行咗陣夠鐘就坐巴士去白川鄉。
今晚去咗食江戶前松喜壽司。佢生意勁好, 尋晚去過冇位要訂今晚。
係國分寺附近地址: 1 Chome-40 Sowamachi
由於餐牌全部都係日文嘅關係, 唔識叫。我地跟旅遊書叫左一個套餐,有湯,有八件壽司,有飛彈牛,有甜品。
拖羅好好味,我地研究個價錢都好抵,比香港平好多,所以就再叫左拖羅同帶子食。飛彈牛就冇丸明同朴葉燒d牛咁好味。
高山物價比名古屋低, d牛真係好抵食, 價廉物美。今晚就去左日式溫泉, 開到零晨一點, 溫泉設施都好好。
名古屋高山白川鄉櫻花飄雪自由行第1-2天: 名古屋羊神社
名古屋高山白川鄉櫻花飄雪自由行第2天: 高山飛彈之里, 丸明
0/240