名古屋高山白川鄉櫻花飄雪自由行第2天: 高山飛彈之里, 丸明
2021-04-27
係名鐵新上豪酒店對面就係巴士站, 巴士站係邊JR站西口出面。
沿途幾驚喜, 係車度望出去, 原來仲有雪㗎 !
我地住係飛彈廣場酒店hida hotel plaza, 距離巴士站約五分鐘路程。唔係最近嘅酒店, 勝在係屋頂有露天溫泉可以望到高山市景, 地下亦有個日式溫泉。佢係高山少有嘅溫泉四星酒店。以溫泉酒店嚟講算係近巴士站。
藍色巴士站
紅色酒店
藍色巴士站, 紅色飛彈之里, 綠色高山陣屋, 粉紅色高山城下町
飛彈廣場酒店 Hida Hotel Plazaz
酒店大堂有高山祭嘅山車飛彈寶寶
酒店入面有迷李高山祭山車
酒店入面已經有手信食品鋪頭, 價錢同出面差唔多, 買夠錢又可以退稅(唔可以開封),都開到幾夜,買完可以即刻拎上房, 好方便。
服務好好,職員會由大堂親身帶住客上客房, 再介紹房間設備,酒店設施,溫泉使用等, 有當地特產柿餅, 梅零食做歡迎食品。房好大
傢私特別(好似俾咗間特別房我地)
望到高山市景
今日我地去飛彈之里, 佢係一個文化村, d合掌屋係第二度搬去以作完整保留。係巴士站搭Sarubobo巴士, 巴士Pass唔包, 約5到10分鐘車程, 要留意尾班車。
仲有雪,又落雪, 好似童話世界。呢個景有湖,仲靚過白川鄉, 當然,呢度較人工化,亦都細d。
仲有冰係屋頂。
一入去就係呢個靚景。
可以參觀屋入面
飛彈之里有文化表演, 例如木雕, 但要就時間, 我地去時已經就嚟關門, 過曬時間。
搭尾班車番高山巴士站。之後行去飛彈國分寺, 建於855年, 歷史悠久。唔係好大, 好快睇完。
好多飛彈寶寶
今晚有得食好出名嘅飛彈牛, 我地去丸明食 (紅格)。真係超級好味! 好平, 咁高質素好抵。全個旅程最好味呢餐! 香港呢個價錢只有普通質素牛食。
食完想去旅遊書間高山拉麵食, 但搵唔到, 經過一間好小型嘅麵鋪, 試咗中華高山拉麵, 係清湯, 我就鍾意豬骨湯底多d。
我地住溫泉酒店今晚緊係浸溫泉。我地去左頂樓嘅溫泉有大池有俾一至二個人嘅露天小池可以望到高山市夜景非常好。想睇相可以去酒店網頁。
0/240