名古屋高山白川鄉櫻花飄雪自由行第4天: 高山櫻山八幡宮, 犬山城, 榮, Oasis 21, 蓬來軒鰻魚飯
2021-05-17
藍格: 櫻山八幡宮
灰格: 安川通
我地今日本來想一早搭七點鐘巴士返名古屋, 多d時間係名古屋玩。但兩日前係高山巴士站預訂時頭兩班車已經滿左, 最快都要搭第三班車, 約十一點半。我地唯有係高山再行下。早上就行左去櫻山八幡宮。同平時d廟差唔多。
附近仲有屋台會館, 可以睇到高山祭嘅車,我地就冇入。再向前行週經過一個古老建築群, 高山別院。
之後就去到同高山朝市垂直的商店街安川通,買左五平餅食。好似米飯餅加燒汁咁樣。條街仲有手信舗工藝店鋪。高山既鋪頭比較遲開, 想早d食午飯都冇得食。
11點多我地就搭返濃飛巴士去名古屋。我地酒店Castle Plaza Hotel都係係名古屋站附近, 近東口。
之後我地就去犬山城。搭名鐵去犬山站。由於遲左去到名古屋, 時間都比較趕。去到犬山站已四點多。
落車就有得攞地圖, 沿河邊行會有櫻花樹 (紫線), 可惜大部分都未開,我地就行左去犬山城。如果唔係睇櫻花就應該行返大街犬山城下町去犬山城 (黃線)。
沿路既櫻花
犬山城附近有兩個神社三光稻荷神社呢條路好靚。 係求姻緣既神社。
犬山城天守係日本現存最古老的天守, 要除鞋先可以行上去。設計上由於比較古老, 入面d樓梯都好斜
去到頂可以行出室外360度睇到犬山市既風光。
都幾牙煙, 欄桿好矮。跌落去就大鑊。
望去犬山城入口處就見到有d未開既櫻花。
有犬山君既御守犬山市通往犬山城嘅大街(黃線) 都有開左嘅櫻花, 係今次旅程既櫻花前奏。
犬山城d舖頭比較早關門, 6-7點 大部分舖頭已關門。
返到名古屋我地就去左榮站
榮站係百貨公司的集中地, 有三越, 松闆屋, burberry blue label, Franc Franc 等。名古屋既舖頭好早關門八點至9點就陸續關門。Oasis 21係一個商場。佢既夜景都好靚, 設計都好特別, 可以望到名古屋塔。
我地行到9點就去左松坂屋頂樓食有名嘅蓬來軒鰻魚飯。
鰻魚飯有三食。第一食係就咁食。第二食係落芥末/紫菜食。第三食係落湯食, 好似湯飯咁。最後就可以再食自己最喜歡的方式。好得意。我就鍾意第一食。鰻魚飯本身已經好味。
名古屋高山白川鄉櫻花飄雪自由行第1-2天: 名古屋羊神社
名古屋高山白川鄉櫻花飄雪自由行第2天: 高山飛彈之里, 丸明
名古屋高山白川鄉櫻花飄雪自由行第3天: 高山朝巿, 高山城下町, 江戶前松喜壽司
名古屋高山白川鄉櫻花飄雪自由行第3天: 白川鄉
0/240